Nieuws:
ROOBOL Frysk Diktee
Op woansdei 27 maart waard it earste Frysk Diktee foar de ROOBOLskoallen holden. 18 learlingen fan 9 dielnimmende skoallen strieden yn it Tillehûs yn Koatstertille om ‘e earste priis.
De winners fan it earste kampioenskip Frysk Diktee foar de ROOBOLskoallen binne :
earste priis : Ilse Adema fan de Tsjelke út Holwert
twadde priis : Joanna Weening fan it Holdernêst út de Harkema
tredde triis : Indy Walsweer fan de Dr. Theun de Vriesskoalle út Feanwâlden.
Under grutte publike belangstelling iepene Michiel Veenstra,de middei. Hij hjitte heiten, memmen, pakes, beppes, freonen en freondinnen, oare belangstellenden en fansels de haadrolspilers èn de spesjale gast fan ‘ middei fan herte wolkom.
Dy spesjale gast wie Wout Zijlstra, de ea sterkste man fan ‘ e wrâld, dy’t it diktee foarlêze soe.
Mûsstil en mei folsleine konsintraasje makken de learlingen it diktee.
Yn it skoft koe de sjuery oan ’t wurk. Wylst Wout Zijlstra in ‘challenge’ organisearre, hie de sjuery de taak de diktees nei te sjen.
Wout Zijlstra rikke hjirnei de prizen út.
Alle bern krigen ek in presintsje fan ROOBOL en twa Fryske boeken, dy’t beskikber steld wiene troch Cedin.
In tige slagge middei, dy’t grif de start is fan in moaie tradysje.
It kampioenskip waard organisearre troch de wurkgroep trije/meartaligens fan ROOBOL.
Agenda
